Pois parece que Pachi Vázquez, secretario xeral do PSdeG-PSOE e médico de profesión, non andaba tan descarrilado cando lle preguntou no Parlamento ao presidente da Xunta se se pagaba máis aos médicos por daren altas sen probas complemenetarias polas tardes. Algunhas almas cándidas, que nos lles importou faceren de acólitos do alarmante proceso de privatización posto a andar sobre a sanidade pública galega, puxeron daquela o grito no ceo: que escándalo, dicían, que un médico diga o que está dicindo.Agora resulta que non é só Pachi Vázquez. Outro Vázquez, neste caso Francisco Vázquez Vizoso, responsábel da agrupación médica da CIG, acaba de manifestar que o documento do Sergas que intenta regular as xornadas dos hospitais é talmente confuso e que cada centro médico interprétao ao seu xeito. Hai hospitais nos que, se o doente sae dunha destas consultas dado de alta pola tarde, o seu médico cobra máis. En vez dos 20 euros que cobraría por unha consulta ordinaria fóra do horario habitual, 35 euros se no resultado final vai comprendida a alta médica do doente.
Sanidade dixo que non é obrigatoiro que se produza a alta médica, pero agora o respresentante médico da CIG tamén pon en dúbida a medida aplicada polo goberno de Núñez Feijóo. “A falta de claridade do documento e o seu carácter cladestino está provocando unha gran variabilidade na súa aplicación práctica”, sostén o responsábel médico do sindicato nacionalista.
O problema vai ser cando xa consigan darlle a alta a todo quisque. Canto e por que van cobrar os médicos daquela? Dá a impresión de que Feijóo e a súa conselleira Pilar Farjas van camiño de conseguir o mundo feliz dunha Galicia sen doentes. O que será igual tamén a unha Galicia sen médicos. Ata poderemos volver a fumar e todo.
4 comentarios:
Cando o dixo Pachi Vázquez a min parecía tan grave que me costou crelo, pero o mesmo tempo sendo el médico, tamén me parecía increíbel que o puidese dicir, se non era verdade; aínda que vendo a cara que puña de ofendido "o gasosas" quedei sen saber que pensar, e pensei "un mal entendido, non pasa nada".
Menten tanto e fano tan ben que fixeron da mentira o seu modo de vida.
Bicos
Home claro, e logo non ve que agora todo se amaña con anuncios, como pasou co tabaco? "fai un uso responsable da sanidade". Con ese lema aproveitan para pagar favores a xornalistas e medios "amigos" e para deixar no ambiente a mensaxe "non vaias ao médico a non ser que esteas a morrer, galeguiñ@". Sería peor que fixeran anuncios do que de verdade queren: "vente á sanidade privada cantas veces queiras, que a pública estámola a desmantelar".
¿Pero que podemos agardar dunha tía que pertece ao Opus Dei?. Está nese posto para privatizar ata o ar que se poida respirar ao carón dos hospitais. Menuda "pájara" está feita esta sacauntos da "Fajas". Xa as pagaran eses que a votaron, o padeceran nas súas carnes en calquera hospital.Fódanse.
Estamos nunha insana burocracia sanitaria onde ata o feito de reclamar se converteu nun "producto" de consumo habitual, cotián e perdeu o sentido de extraordinario que debera ter, suponse. Como "crónico", así é como me define o meu "medico de atención primaria" (demasiado primaria para o meu gusto, acudín ao servizo de traumatoloxía do do HULA e atenderonme moi amablemente, pedíronme unhas probas para as que me deron cita para marzo do 2012, indicándome ao mesmo tempo (ó mellor antes de darme cita) que podía ir a ATENCIÓN AO PACIENTE para reclamar, había unha cola do demo, todos reclaman. Ao tempo o servizo de Inspección Sanitaria ¿¿¿??? "obrigou" ao meu médico de atención primaria a darme de alta, eso si, sin previamente saber como me atopo de saúde, eso é o de menos para esta sanidade que nos caeu enriba. Quén sabe, ao mellor o inspector tamé cobrou os incentivos por dal altas. En fin, haberá que ir á privada,... eles gañan. (non me refiro ao que gañan os médigos senón que gañoume o Sergas 1 - José Manuel 0 a esquerda)....
Publicar un comentario