A dimisión do Papa

Hai moitos anos que deixei de sentirme católico. Nin sequera sei xa se creo en Deus. É dicir, que son polo menos agnóstico. Pero emocióname a actitude que acaba de adoptar o Papa Benedito XVI. Hai poucos anos tiven a oportunidade de visitar varias dependencias do Vaticano, e aquela ocasión serviume para redescubrir a enorme importancia que ten a Igrexa Católica. Daquela puiden observar de preto o Papa que agora renuncia e pareceume que na súa mirada ficaba agochada algunha segreda insatisfacción.

Ramón Loureiro, un dos mellores xornalistas de La Voz de Galicia e de Galicia, novelista de mérito e galego de conciencia, acaba de publicar no seu xornal un artigo no que analiza con tino e intelixencia a figura e a circunstancia de Benedito XVI.