No sei cal das dúas demisións me sorprendeu máis: a do Papa ou a do presidente da Real Academia Galega, Xosé Luis Méndez Ferrín. Salvas as distancias, en ámbalas dúas me parece que hai algunhas concomitancias. De Benedito XVI dixo o presitixioso xornal romano La Repubblica que tomou a decisión de dar un portazo despois de ler o voluminoso informe de case 300 páxinas que lle fixeron os cardeais Juan Herránz, Salvatore De Giorgi e Josef Tomko sobre a non observanza do sexto e do séptimo mandamentos por parte dunha rede transversal supostamente implantada na Igrexa Católica contra a que o Papa dimisionario se viu incapaz de loitar.
O denominado escándalo Vatileaks non parou de medrar nos útimos tempos e xa levou por diante polo menos a dous dos seus protagonistas: Paolo Gabriele, mordomo do Papa, e Ettore Gotti Tedeschi, director do Instituto Para as Obras de Relixión (IOR), o Banco do Vaticano. Tamén ocasionou que o Papa alonxase de Roma o subsecretario de Estado para as Relacións cos Estados con Nunciatura, Ettore Balestrero, que foi mandado de nuncio a Colombia. Tarsicio Bertone, o poderosísimo secretario de Estado do Vaticano, cardeal sobre o que pode haber máis dunha referencia na Relationem que lle fixeron chegar ao Papa os tres cardeais que formaron a comisión investigadora, pode ter os días contados. Entre os seus máis directos colaboradores hai un arcebispo galego, monseñor Francisco Javier Froján, natural de Caldas de Reis e licenciado en Bioloxía pola Universidade de Santiago.
No tocante a Ferrín, non é que teña o seu propio Ferrileaks, pero parece evidente que na súa decisión de renunciar non só á presidencia da Academia Galega senón tamén á súa condición de membro numerario da mesma, non están ausentes nin moito menos as loitas e, sobre todo, as intrigas internas que periódicamente peneiran a cultura galega oficial. Así se desprende da moi significativa entrevista que hoxe publica La Voz de Galicia co secretario da RAG, Xosé Luis Axeitos, para o que parece claro que “O Instituto da Lingua Galega e o Consello da Cultura queren colonizar a Academia”.
Axeitos tirou os pelos da súa lingua nesta entrevista para denunciar que “hai determinadas institucións culturais de gran potencia que a ocupan e a colonizan (a Academia). Pasou coas Irmandades da Fala e o Seminario de Estudos Galegos, que entraron masivamente na Academia. Pasou con Galaxia, que secuestrou a Academia durante gran parte da postguerra. E pasa agora mesmo coa Universidade de Santiago, co ILG. Hai tres universidades en Galicia, pero a única representada é a de Santiago. Hai un desequilibrio evidente”.
Na propia carta que lles mandou Ferrín á Comisión executiva e aos membros numerarios e correspondentes da Real Academia Galega, para anunciarlles a súa renuncia, deixa ben claro que o seu “Papado” tamén tivo a súa propia rede transversal de non observanza dalgún mandamento. “Outros académicos e académicas, unidos a persoas externas, fixéronme sentir que eu non teño sitio na Academia”, escribiu nesa carta –con máis pólvora que magnolias– o prestixioso escritor galego.
En resume, que a Academia Galega e o resto das institucións culturais galegas non son o Vaticano pero seméllanse algo. Polo menos nas intrigas palacianas. Alguén terá que dicirlles algunha vez que a realidade galega, cultural e a que fose, non é precisamente como queren eles que sexa. Non está o forno para cocer tantas empanadas.
9 comentarios:
Ao fío dun artigo de Sarille publicado hoxe no Correo de Santiago, e a cousas que teño comentado noutro blog hai algúns anos. A saber, en Galicia temos, ademáis da Consellería de Cultura:
- A RAG
- O ILG
- O Ramón Piñeiro
- O Consello da Cultura Galega
- E tres departamentos de Filoloxía Galega
Todos están a facer o mesmo ou cousas semellantes. Todos controlados por case os mesmos persoeiros (aínda que os que dan o callo son os bolseiros, en moitos casos). Todos a facer estudos sobre temas ignotos, cando non promovendo ese neopiñeirismo merendiñas e vellote que se refocila na propia autocontemplación.
E, con todo, despois de todos estes anos de arduos traballos e publicacións que só eles len, aínda non foron capaces nin en conxunto nin por separado en publicar un dicionario de galego comme il faut, un dicionario etimolóxico e unha gramática da lingua.
–E, se o Papa é Ferrín, quen é Tarsicio Bertone?
–Pois será Ramón Villares.
–E logo quen é Vítor Freixanes?
–Monseñor Guerra Campos polo menos.
Eefectivamente o xuntaliñas deste blog deu no cravo, como acostuma facelo.
Ferrín, coa súa renuncia, ceibou un proceso moi similar ao do Papa: púxolles o cú ao aire a todos e a cada un dos apóstolos da Cultura galega. A ver o que fan agora.
So hai que ler os ataques a Ferrín En Sermos Galiza.
golden goose
kevin durant shoes
goyard bags
kobe basketball shoes
GGDB
yeezy 350 v2
kobe sneakers
off white
goyard
off white jordan
Publicar un comentario