María Dolores Galovart Carrera, ata agora vicevaledora segunda do Pobo Galego, acaba de demostrar a dignidade que moitos altos cargos da Administración non coñecen nen de lonxe. Dimitiu para expresar a súa opinión totalmente contraria á do Valedor, Benigno López, por ter manifestado este que considera “xustos, necesarios e imprescidíbeis” os recortes que se están aplicando por parte da Xunta de Galicia.
A discrepancia refírese á aplicación da Lei de Dependencia, reducida á súa mínima expresión polo goberno de Núñez Feijoo na súa andaina de aplicar en Galicia o programa que lle está sendo ditado polo capitalismo ultraliberal. O que agora cumpriría preguntarse é por que non se vai tamén Benigno López, o Valedor que foi nomeado polo bipartito PSOE-BNG e que se pasou con armas e bagaxes á política antisocial de Mariano Rajoy.
1 comentario:
O Valedor do Pobo ten que dimitir por neocom e inhumano.
Publicar un comentario