jueves, noviembre 15, 2012

As dúas (ou tres) Españas


Confeso que seguín a folga do 14N só a través dos medios de comunicación. Esta vez dominoume a preguiza e non saín da casa nin para comprar o pan (o xornal xa nin se compra). Ou sexa, que cando menos fixen de consumidor folguista. Algo é algo.
A experiencia váleme para concluir que xa estamos outra vez instalados no que non sei se foi Ortega o que chamou as dúas Españas. Se cadra os padriños da expresión tamén foron Jaime Balmes, Mariano José de Larra, Ramiro de Maextu e ata o protugués Fidelino Figueiredo.
Por un lado, os que se empeñan en que vaiamos sempre detrás dos curas, ou con cirios ou co garrote, como dicía Agustín de Foxá. Os que queren devolvernos ao franquismo máis antisocial gobernándonos como se pastorea os borregos e facendo dos nosos países un inmenso campo de exterminio dos dereitos elementais no que traballemos para os ricos seguindo nós de pobres e eles cada vez máis ricos.
Son os que teñen alcaldes, coma o da Coruña, que prenden os farois do alumeado público para faceren que non baixe o consumo no día da folga. Os que empregan sobriñas, coma a alcaldesa de Madrid, pagándolles 5.000 euros netos ao mes ou os que non paran de cacarexar que os sindicatos son organizacións andidiluvianas que hai que extinguir como sexa.
Por outro lado, a España á que sempre lle acaban xeando o corazón, como dicía Antonio Machado. A dos perdedores. A dos oprimidos. A dos que botan das casas para que o buche dos banqueiros medre coma se fose a barriga dunha enorme carracha chea de sangue. Esa España que onte volveu a ser apaleada polas porras de varias policías que sempre están ao servizo do poder.
E, polo medio, unha noxenta santa compaña de arribistas, estómagos agradecidos e seareiros que constantemente meten gato por lebre con tal de compracer aos que nos queren estabrecer a nova orde que lles permita chupar o sangue da inmensa maioría da humanidade.

3 comentarios:

Maria dijo...

Sí onte agromaron as varias Españas que habitan isto.
Eu fun por dignidade e por solidaridade. Non sei se soa a gilipollas ou a idealista romántica. Dáme o mesmo.
Saúdos.

ms dijo...

Uns titulares que saquei do El País de Cataluña:

1. Joan Herrera (de Iniciative per Catalunya-Verds): "El fraude fiscal en Cataluña supera los 16.000 millones anuales. Es decir, los catalanes ricos roban al resto más que lo que se atribuye al expolio fiscal del resto de España. Con una diferencia, los impuestos que van a otras comunidades sirven a la colectividad. Aquí se los quedan unos pocos. A CIU este asunto no le preocupa. Que te roben los de casa no es tan grave".

2. "Ante la pobreza, más recortes. CIU reduce las prestaciones sociales cuando la penuria se dispara al 30%.

3. Un informe "fantasma" de la policía acusa a Mas de cobrar comisiones... Mas convierte las acusaciones de corrupción a CIU en ataques a Cataluña.

4. El presidente catalán pide "perdón" por la actuación de los Mossos d'Esquadra durante la huelga.

Anónimo dijo...

artur mas....¿no quiere que se haga el AVE a Galicia?