domingo, noviembre 13, 2011

Os bilingües son máis eficientes e máis rápidos

O cerebro dos bilingües coma nós, os galegos, pode resolver con maior rapidez e con menor esforzo as situacións conflitivas. É unha vantaxe da capacidade cognitiva que non ten nada que ver coa linguaxe. Esta é a principal conclusión da investigación que dirixiu Jubin Abutalebi, pofesor de neuropsicoloxía da Universidade Vita San Raffaele de Milán, en colaboracións coas universidades de Londres, Barcelona e Hong Kong. O xornal italiano La Republica ofreceu hoxe unha extensa información sobre este estudio.
As persoas bilingües mostran maior creatividade, máis flexibilidade, máis capacidade de concentración e máis confianza en si mesmas. Dominar o máis pronto posíbel un segundo idioma conleva vantaxe en diversos ámbitos culturais e cognitivos. Os bilingúes entenden antes ca os monolingües o que é unha elección correcta e unha situación de conflito. O bilingüismo axuda a tomar decisións críticas con rapidez e con menos recursos.
Isto ocurre, por exemplo, cando se trata de decidir se hai que parar ou pasar un semáforo estando a luz verde a piques de porse vermella, ou cando hai que tirar a porta ou pasar un balón nun partido de fútbol entre amigos. Son decisións que teñen unha consecuencia inmediata e un prazo de realización moi curto. No estudio Cerebral Cortex 1, levado a cabo na citada universidade italiana, os investigadores descubriron que as persoas bilingúes son quen de decidir antes o que hai que facer. E fanno, ademais, con máis eficacia e con menos esforzo.
Os investigadores compararon dous grupos. Un bilingüe dende o nacemento (italiano e alemán) da zona do sur do Tirol. E outro monolingüe. Ámbolos dous de idades, educación e socioeconomía semellantes. Os seu comportamentos no canto das tareas cognitivas analizáronse medindo a actividade do cerebro con técnicas avanzadas de imaxe de resoancia magnética funcional e de neuroimaxe, co resultado de que os “suxeitos bilingües teñen máis materia gris na corteza cingulada anterior, unha área fundamental para o seguimento das nosas accións”, segundo explica o doctor Abutalebi, primeiro responsábel da investigación.
Tamén hai unha correlación positiva entre os resultados na resolución dun conflito cognitivo e o grosor da materia gris na corteza cingulada anterior. O bilingüismo inflúe sobre o cerebro dende o nacemento e durante o crecemento e optimiza as tareas necesarias para tomar decisións rápidas e eficientes. “Os suxeitos bilingües son máis rápidos cando teñen que tomar decisións críticas, aínda que activen moito menos o cerebro”, sostén Abutalebi. De feito, a investigación levada a cabo polo seu equipo demostra, a través da función da resoancia, que os bilingües precisan menos ca os monolingües impregnar a corteza cingulada anterior para tomar decisións.
Máis rápidos, máis eficientes e con menos esforzos. Os investigadores especulan con que estas vantaxes dos bilingües radican no hábito de distinguir dende a infancia entre dous idiomas para evitar confusións, unha habilidade que os nenos en xeral aprenden a partir dos tres anos. Para este proceso utilízanse as mesmas estruturas neurais que interveñen na toma de decisións rápidas. O seu uso, polo tanto, dende o nacemento, tería dúas vantaxes: un maior desenvolvemento anatómico e a menor necesiadade de apremiar o cerebro mesmo nas decisións que non teñen nada que ver coa linguaxe.
Para gozar destas vantaxes non é imprescindíbel ser bilingüe dende que se empeza falar. “Atópanse tamén igualmente se a segunda lingua se aprende máis tarde, durante a pubertade”, segundo injdica o doctor Abutalebi.
A ver se se poñen a aprender galego dunha vez todos eses señoritos que aínda se negan a falar máis lingua ca do imperio. Aínda que só fose para comportárense mellor diante dun semáforo.

5 comentarios:

Anónimo dijo...

Témome que os señoritos van pasar directamente ao inglés. Por exemplo a Mariano xa lle vai un profesor a casa (supoño que agora á Moncloa) tres tardes á semana. Ai, se o MARCA estivera en inglés!

Anónimo dijo...

Non fai falla o artigo este, xa todos sabiamos que somos mais listos, excluíndo aos iñorantes e renegados que preferirían vivir en madrid ou similar.

Anónimo dijo...

Esto es um poco trapallada, date de cuenta que uno solo se lia menos uno,cuando es más de uno ya te hay barullo. Además el hombre viene del mono, no, pues te es más propio el mono-lingue

Anónimo dijo...

Don Perfecto, tamén pode ser ao revés, os máis listos, eficientes e rápidos ante os semáforos teñen máis posibilidades de ser bilingües que o resto. Nestas investigacións o asunto da causalidade nunca queda claro.

Andrey Ximenez dijo...

Espero ser entendido aqui.
-
Primeiro, é bem interessante descobrir que posso ler um artigo que me interessa em uma língua que não sabia que existia.
-
Um comentário acima questiona o fato da pesquisa do Dr. jubin ser vista por un revés. Como no caso do semáforo, de alguém ver a cor e tomar uma decisão mais rapidamente, então a pessoa teria uma "predisposição" ao bilinguismo.
-
Está equivocado.
-
Os estudos analisam com ressonância magnética os cerébros da pessoas bilíngues e monolíngues. Há um aumento de massa "glis" (da onde venho se chama "cinza") na área responsável por tomada de decisões. Isso ocorre quando desde cedo uma pessoa adquire as duas línguas e, mais importante, se mantém exposta as duas línguas.
Os resultados monolíngues vs. bilíngues tem indicado essa direção, mostrando uma grande improbabilidade desse revés. Não é um caso como o do hipocampo, onde já existe estudos que corroboram que há uma mutação em parte da população mundial que facilita a parte discursiva, que nesse caso, seria de um ambito genético mesmo, ao contrário dos estudos do Dr. Jubin, que mostram seus resultados a partir do comportamento cognitivo.
Espero que tenham entendido minha língua como pude entender a de vcs.

Um abraço, A. Ximenez.