jueves, febrero 16, 2012

En Italia queren que tamén pague a Igrexa

O primeiro ministro italiano, Mario Monti, acaba de comunicarlle por carta ao vicepresidente do Consello Europeo e comisario para a Competencia, o español Joaquín Almunia, a súa proposta de enmendar a lei de Imposta comunale sugli immobili (ICI), equivalente ao noso Imposto sobre Bens Comunais (IBI), para que a Igrexa Católica pague polos inmobles nos que se desenvolven actividades comerciais. Polo que se ve, Monti, un tecnócrata, non fai coma Rajoy, que ata agora só carga a crise sobre os de sempre.
A proposta italiana limita a exención vixente ata agora aos inmobles nos que e desenvolva exclusivamente unha actividade que non sexa comercial e prevé a derogación das normas que regulan a exención para os inmobles que non teñan actividade comercial exclusiva senón somentes prevalente. A exención verase limitada a parte dos inmobles destinada a unha actividade de natureza non comercial. Introducirase un mecanismo de declaración vencellado a directivas rigurosas estabrecidas polo Ministerio de Economía e Finanzas sobre a individualización da relación proporcional entre actividade comercial e non comercial exercida dentro de un mesmo inmoble.
Con estas medidas o Goberno italiano calcula que pode recaudar entre 500 e 600 millóns de euros destinados á financiación dos municipios. De entrada, as reaccions da Conferencia Episcopal Italiana e das distintas organizacións políticas están sendo moi prudentes sobre este asunto. Só un pequeno grupo de deputados da dereita puxo de manifesto que o propósito do Goberno “sacou á tona a habitual regurxitación anticlerical”.
De cantos millóns de euros estariamos falando se se aplicasen estas medidas en España? Canto tería que pagar a Igrexa Católica só en Santiago de Compostela?

2 comentarios:

Anónimo dijo...

A metade de Santiago é da igrexa.Centos e centos de metros cadrados, solares, baixos comerciais, igrexas, etc.

Anónimo dijo...

Pregunta: Los bienes de la Iglesia considerados monumentos y, que estan a su nombre ¿No estan catalogados como Patrimonio? Otra pregunta ¿Con que pagarán el IBI, con la financiación que se les dá antes? No entiendo nada.