A gata dos Bush

“O presidente, a señora Bush, Barbara e Jenna (as súas fillas) anuncian con tristeza a desaparición da súa gata India, ou Willie. A 'shorthair americana' de pelaxe negro morreu o domingo 4 de xaneiro de 2009 na súa residencia, na Casa Blanca”. Así o fixo saber Sally Macdnough, portavoz da xa case penúltima primeira dama dos Estados Unidos.
Nese mesmo día, cantos palestinos morreron asasinados por unha invasión inhumana emprendida por Israel? A min tamén me gustan os gatos –ás veces, máis ca algunha xente–, pero aínda teño pola especie humana un aprezo do que sen dúbida carece a familia Bush.