lunes, julio 12, 2010

A senyera de Puyol

Non me gusta case nada o fútbol e son calquera cousa menos un tifoso, pero confeso que o pasei moi ben vendo como Iniesta foi quen de atravesar o cabo de Fornos navegando no gran barco da selección española capitaneado por Vicente del Bosque, ese magnífico actor que está sempre representando con éxito o papel do comisario Maigret. Paseino ben e celebreino tamén porque Puyol marcara estoutro día aquel gran gol de cabeza e porque onte envolvera o seu corpo de pagès de l’Empordà nunha tremolante senyera á que tamén se agarrou Xavi.
Linlle a algún comentarista francés que os xogadores cataláns e vascos non cantaban senón que asubiaban cada vez que soaba o himno de España, pero eu nunca lles vin facer tal cousa. ¿Ten letra, ademais, o tal himno a pesar de Franco e de José María Pemán? Tamén lle lin a algún gabacho que a final deste campionato mundial de fútbol, en realidade, foi un match a dente partido entre o Barça e o Ajax. Gustaríame ver a cara que poñían estes días Guardiola e Cruiff.
Aínda así, José María Aznar e o seu glorioso partido non puideron evitar a tentación de caeren na españolada plusultriónica de roubar auga para o seu muíño. Pena de políticos e de política. Se cadra merecerían que lles dixeramos que España foi, por fin, campiona do mundo grazas a cataláns e vascos. E a un egrexio andaluz de Camas, por suposto.

8 comentarios:

Anónimo dijo...

E manchegos (iniesta), e asturianos, (villa), e canarios (pedrito), etc...

Ramiro Cartelle dijo...

etc... pero galegos non. Ou o polbo Paul era de Vilagarcía?

Anónimo dijo...

Perfeutiño, hai que botar a botella lonxe cando che dea por escribir.

Anónimo dijo...

Pois galegos desta volta non había, ¿e qué?

Anónimo dijo...

Pois non habia galegos polo de sempre, por que aquí ser español non é ter a tua persoalidade e defendela para contribuir ao conxunto con algo diferente e autentico, aqui ser español é adapatarnos ao que nos din dende fora (o idioma de fora, os touros de fora, etc.. que é sempre o mellor, agas o marisco e iso incluso non é merito dos humanos que vivimos aqui), así pois quen non ten orgullo por un mesmo, non ten persoalidade propia e ten tendencia a non facer as suas cousas, senon a que llas fagan.

Anónimo dijo...

E non sería porque neste momento non hai xogadores galegos da calidade necesaria?
E iso igual ten que ver coa politica dos clubes e coa cantidade de infraestructuras.

Almiral Mouchez dijo...

Magnífico paralelismo o que vostede establece, Don Perfeuto, entre Del Bosque e Maigret!

Anónimo dijo...

Haha great



[url=http://www.venditascarpe.com/]gucci shoes
[/url]