sábado, septiembre 05, 2009

Ter vergonza

O caso da directora xeral de Formación e Colocación da Xunta, Ana María Díaz López, xa pasa de castaño escuro. Segundo publica hoxe El País, requeriu notarialmente a Dolores Seco, a traballadora que despediu, esixíndolle que rectifique o que decrarou durante o xuízo polo que foi condenada quen agora desempeña un alto cargo no goberno de Feijóo.
Empezou irrespectando os tribunais de xustiza ao pasar por alto a súa obriga de comparecer cando foi citada para a vista do xuízo. Despois non recorreu a sentencia emitida contra ela. E agora trata de determinar o comportamento da traballadora que a denunciou facéndolle chegar un requeremento notarial no que lle di que ou rectifica o que dixo no xuízo ou irá contra ela mediante unha querela criminal.
O asunto xa empeza a ser chocalleiro. Quen está pagada pola sociedade para vixiar que as relacións laborais transcorran coformes coa lexislación vixente, pasa dos tribunais de xustiza cando a chaman para declarar, vese condenada por unha setencia que non se digna recorrer e remata ameazando a quen tivo a dignidade de reclamar os seus dereitos, que un tribunal lle avaliou mediante unha sentencia que xa é firme.
En vez de dimitir, xa que non foi cesada, esta señora recorre agora a métodos que foron ben coñecidos noutros tempos. Os de de advertir a quen se atreve a erguer a voz con aquela frase que tivo tanto éxito: “No sabe usted con quien está hablando”. Claro que os tempos cambiaron, e a interpelada, Dolores Seco, non meteu o rabo entre as pernas senón que se apurou a dicirlle a interpelante que “non ten vergonza”. E se cadra é por esa beira por onde andan os tiros.

2 comentarios:

xOsse dorrío dijo...

Vergoña non terá, non... mais a culpa non é soamente dela, senón tamén de quen a poiou ratificandoa no seu posto e mesmo exculpándoa cando existe unha sentenza firme.

O que está sucedendo arredor da directora de formación e colocación deixa patente a importancia dunha dimisión a tempo. Este caso bota por terra os bos propósitos asinados por Feijóo.

Anónimo dijo...

Esta tía ten máis cara que un zapato vello. Coido que nestes intres xa podemos aplicar aquilo de:" otro vendrá que bueno te hará". O digo polo bipartito. Aínda cos seus erros (algúns de moito carallo)íamos tirando a trancas e barrancas. Estes do PP están fodendo a Galicia a marchas forzadas e non digamos sobre o idioma,a cultura,o ensino e a sanidade. Imos de puto culo. Aqueles que lles votaron e agora están como tolos por o da gratuidade dos libros, que se fodan e que cada pau aguante a súa vela.