lunes, noviembre 16, 2009

Vidas paralelas


Anicet Lavodrama, un “nacho” de Ferrol segundo informa hoxe El País, de cor negra, ex xogador de baloncesto, está disposto a entrar en política para que a cidade departa-
mental deixe de “pensar só nas subvencións e reinventar a base económica da cidade cun porto exterior que debe ser entrada e saída de comercio”. En principio non está mal o que di: “Somos un destino idóneo para o turismo rural, gastronómico e cultural, pero precisamos embelecer a cidade. En Bilbao, por exemplo, o Nervión baixaba todo negro nunha paisaxe industrial, agora esa contorna está embelecida e o Guggenheim dalle carácter. Aquí non temos nin un hotel que dea á ría (algo que non é totalmente certo, porque Ferrol ten o Parador, que dá magníficamente á ría e que el coñece ben porque foi o seu primeiro fogar en Galicia) e a cidade medra de costas á súa maior riqueza, non está ben asfaltada e ten poucas zonas verdes e demasiado cemento. Onde en Bilbao está o Guggenheim, nós temos a Reganosa”.
Lavodarama (foto de arriba) naceu en Bangui (República Centroafricana) e tiña 22 anos cando chegou a Ferrol, procedente de Houston (Estados Unidos), fichado polo OAR, o equipo local de baloncesto que presidía o político ferrolán Xoán Fernández. O seu pai foi gobernador, ministro e embaixador do ditador Bokassa, que foi xulgado por asasinato, canibalismo e apropiación indebida de fondos estatais. Afincouse en Ferrol probabelmente para sempre, e traballa para unha compañía de representación de deportistas buscando baloncestistas de talento en España, Francia, Sudamérica e África.
A 1.500 quilómetros de distancia, nunha terra que algo ten que ver con Galicia, a Bretaña francesa, outro africano negro, Kofi Yamgnane (foto de abaixo), está percorrendo un camiño inverso. Empezou sendo o primeiro alcalde negro e procedente da emigración que houbo en Francia, ao ser elixido rexedor de Saint-Coulitz, un pequeno concello do centro da Bretaña, en 1989. Gobernando o socialismo en Francia, foi secretario de Estado encargado da integración de 1991 a 1993. Agora é candidato á presidencia da República de Togo, de onde é orixinario, para as eleccións que van ter lugar no 2010.
Se cadra o "nacho” de Ferrol tamén remata sendo alcalde e algunha vez volve a África para ser presidente. Sería desexábel que non nos saia da escola antropofáxica de Bokassa e que se pareza máis a Kofi Yamgnane.

7 comentarios:

Milingo dijo...

¿Pero este non é o nachiño que ía nas listas de Juan Fernández na última desfeita electoral do Pata? ¿Non escarmentan os ferroláns?

VERA dijo...

Vaites! Que interesante o dato do pai de Lavodrama, ministro de Bokassa. A saber cantos paisanos centroafricanos tiveron que padecer para que o futuro "nacho" tivera opción á unha universidade ianqui.

Almiral Mouchez dijo...

Se afán de ningún de meter os cans á bouza, permítanme que lles diga (eu coñezo a Anicet)que é unha persoa magnífica.

Ninguén ten culpa dos pecados dos seus maiores.

Un dos meus ancestros, que tiña alá pola Labrada unha casa cun escudo raquítico e dúas parellas de bois, pediu en Mondoñedo, cando a revolta contra a invasión napoleónica, que lle deixasen custodiar a un grupo de prisioneiros franceses camiño de Ribadeo.

(Evidentemente, segundo se desprende da documentación que queda, pensaba matalos polo camiño, aínda que non dixese tal.)

Almiral Mouchez dijo...

Sen afán ningún de meter os cans á bouza, permítanme que lles diga (eu coñezo a Anicet)que é unha persoa magnífica.

Ninguén ten culpa dos pecados dos seus maiores.

Un dos meus ancestros, que tiña alá pola Labrada unha casa cun escudo raquítico e dúas parellas de bois, pediu en Mondoñedo, cando a revolta contra a invasión napoleónica, que lle deixasen custodiar a un grupo de prisioneiros franceses camiño de Ribadeo.

(Evidentemente, segundo se desprende da documentación que queda, pensaba matalos polo camiño, aínda que non dixese tal.)

Hildegart Canido dijo...

E, con eses antecedentes tan antigabachos, como é que que se bautizou cun alcume tan francés? Non lle sairía vostede un afrancesado ao seu ancestro de Labrada que quixo inventar a lei de fugas?

Almiral Mouchez dijo...

Vraiment, je pense que oui...

freefun0616 dijo...

酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店經紀,
酒店打工經紀,
制服酒店工作,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
酒店經紀,

,