lunes, julio 21, 2008

Ramiro Fonte será homenaxeado en Ferrol o día 28

O próximo luns, 28 de xullo, ás 13 horas, no pazo do Concello de Ferrol, terá lugar o acto de homenaxe do mundo das letras ao escritor Ramiro Fonte. No seu transcurso, seralle entregado o Premio Porto Magno polo conxunto da súa obra, que lle foi otorgado por un xurado composto por Julia Uceda (Premio Nacional de Poesía), Iolanda Díaz (concelleira de Cultura de Ferrol), Félix Villares Mouteira (chanceler da Curia da Diócese de Mondoñedo-Ferrol e un dos mellores coñecedores da poesía galega do século XX), Miguel García-Posadas (presidente da Asociación de Críticos Literarios de España), Ramón Pernas (director da Fundación Ámbito Cultural de El Corte Inglés), Segundo Leonardo Pérez López (catedrático da Universidade Pontificia de Salamanca e coengo da catedral de Mondoñedo) e Ramón Loureiro (xornalista e escritor).
Está prevista a asistencia do ministro de Cultura, César Antonio Molina, e van ser moitos sen dúbida os representantes da cultura e das letras galegas, da política e da vida soial, que se sumen a esta homenaxe que tanto merece o escritor de Pontedeume, que agora está pasando polo tratamento dunha dificil doenza.
Unha inaplazábel viaxe a Grecia, que emprenderei o próximo mércores, imposibilítame cumprir o que máis me gustaría facer, que sería estar con Ramiro Fonte en Ferrol o domingo que vén. Quero deixar constancia de que a miña lembranza e o meu espírito estarán con el cando reciba a homenaxe. Mándolle unha apreta moi forte e os desexos que todo favoreza a súa felicidade. Ramiro merece todo canto lle podamos dar os amigos. Cando el entre no salón de actos do Concello de Ferrol, eu estarei bordeando a vela a península do Peloponeso e dende alí lerei, na súa honra, algun verso da Iliada ou da Odisea. Homero e máis eu estaremos tamén contigo, poeta. Xa o sabes.
Amigos comúns dinme que Fonte acostuma ler case todo o que se escribe neste blog. Polo tanto, antes de partir para Grecia, deixo aberta esta páxina para que se dirixan a el todos os que queiran facelo co gallo da homenaxe que vai recibir. Para min é un pracer servir de transmisor de saudades e de abrazos.
Saúde, poeta.

20 comentarios:

poor credit dijo...

I like the way you wrote this kind of blog.


poor credit

super lotto numbers dijo...

Concentrate to the things that could give information to the people.

Almiral Mouchez dijo...

Ramiro fai cada máis grande Galicia cos seus versos.

Hildegard Canido dijo...

Polo que lle teño lido e polo que me contan del, Ramiro Fonte é agora mesmo o protagonista das letras galegas que máis merece unha homenaxe. Se cadra andamos case todos demasiado perdidos no fragor da "cultureta" oficial e no estrondio dun noxento "todo a cen", como acostuma dicir Lorenzo Díaz, que nos impide separar ben o trigo da palla.
Dende aquí, o meu abrazo de amiga a un autor que non coñezo persoalmente, pero que xa forma parte da miña vida espiritual.

Almiral Mouchez dijo...

Permítame dicirlle, querida Hildegard, que unha vez máis coincido plenamente coas súas palabras.

Desde o maior respecto por todo o mundo, penso que xa empeza a ser hora de irmos separando o gran da palla.

(Malo, malo, malo, mentres continuemos chamándolle literatura ao que carece por completo de importancia...)

Anónimo dijo...

Don Ulises Conde: gárdese das Circes, Polifemos e demais perigos de navegantess arroutados e non abra o fol de Eolo, que vostede e de terra interior (aínda que preto da mar, iso si).
Mándelle a Ramiro unha postal cando pase por Itaca,,,e unha aperta fonda tamén...

Xente da Arroutada dijo...

Súmome á homenaxe a Ramiro con toda a forza da admiración e do cariño.

Brión

Ramiro é un poeta excepcional, inxustamente silenciado polo SLG. O tempo porá todo no seu lugar. Andiamo, Ramiro.

Covés:

Adiante, irmán. Vémonos en Pontedeume.



Miguel Cabanas
Para Ramiro Fonte, poeta, sempre os meus mellores desexos.
Boas noites a todos.

Súmome, tamén aquí, a todas as homenaxes a Ramiro Fonte, un gran poeta, unha gran persoa.


Lectora -Admiradora

Es un gran poeta e, por máis que digan que sobran poetas, non é certo. Cóidate que te necesitamos.


Roberto BolañoNon sabía nada. Acabo de inteirarme. Eu tamén lle desexo que se recupere, que non andamos sobrados de poetas.

Eu do Ramiro Fonte sempre lembrarei aquel día en que se levantou e... Compostela, corrían os anos 70 do século pasado (non sabería precisar se o 75, o 76 ou o 77, tería que consultalo; antes do 79 seguro, que foi cuando morreu Celso Emilio Ferreiro), daquela non perdíamos nen un dos actos culturais que se organizaban, daba unha conferencia Celso Emilio Ferreiro, afinal do acto un mozo inzado de paixón poética levantouse e botou unha disertación sobre poesía que nos deixou a todos pampos, supoño que ao Celso Emilio tamén. Escuso dicer que aquel mozo era Ramiro Fonte. Tampouco sabería precisar se daquela xa formaba parte do movimento poético Cravo Fondo ou se este se formou mais tarde, a finais dos setenta. Tanto ten, para min aquela tamén foi a época de Cravo Fondo, do que formaban parte Ramiro Fonte, creo que tamén Rábade Paredes, Xulio L. Valcárcel e non sei se tamén un irmao deste último. Lembro perfeitamente aquela época de nacimento de Cravo Fondo.

Ramiro, non nos coñecemos, pero temos amigos comúns, estás en Barcelona, como eu, teño aquí mesmo unha copa de cava, que vou levantar por ti e pola poesía, como ti te levantaches naquel acto de Celso Emilio e nos deixaches a todos coa boca aberta polo teu saber poético. Tempos aqueles, tempos estes, que te recuperes e que vivan sempre a poesía e os poetas. Unha aperta.

P. D. Xa perguntarei onde é que estás.




Amigo








Se lle deixades a Ramiro unha mensaxe no blog de Perfecto Conde, el nalgún momento do día vaino ver seguro. Saúdos a todos.

Volver arriba


lourixe
Muitos ânimos!

Moitas grazas a todos pola vosa amizade. Se tivesedes un momento tamén para deixar as vosas mensaxes no blog Croques, que xa se vos puxo arriba o enlace, aínda vos estariamos máis agradecidos, porque alí mira Ramiro todos os días.




Amorodo



Desejo que tudo corra bem para o Ramiro.

Perpinyà, ciutat catalana!



Co voso permiso, traslado estes posts ao blog de Perfecto



Leitor


grazas, amigo. ADIANTE, RAMIRO.

Volver arriba



Convidado

Sei da mellor fonte que Ramiro está moitísimo mellor, e que incluso vai poder pasar uns días en Galicia a finais deste mes.

Adiante, irmán...!

Correo electrónico para adhesións dijo...

As adhesións poden remitirse ao correo do Real Coro Toxos e Froles

amboage56@hotmail.com

Nese mesmo correo, o Real Coro está atendendo xa, desde esta mesma hora, todas as consultas sobre a xornada de homenaxe a Ramiro.
O poeta terá copia de todas as adhesións recibidas, que ademais se lerán durante a ceremonia institucional do luns. A entrada ao acto é libre.

Anónimo dijo...

Neste enderezo podedes ollar unha foto e un video nun recital das Letras Galegas de 1998 en Vilaxoán de Arousa no Fogar do Pescador. Alí estaba Fonte ao carón de Manuel María, Uxío Novoneyra, Xesús Rábade e moitos máis ata vinte poetas de Galicia.

http://teocf.nireblog.com/post/2008/07/23/homenaxe-a-ramiro-fonte

Almiral Mouchez dijo...

Moitísimas grazas, amigo...!!!

Luisfoz dijo...

Nom creio que poda assistir (motivos pessoais) à homenagem de Ferrol, mas quero aderir-me desde aqui ao meu querido amigo, Ramiro Fonte, para lhe desejar o melhor e lembrar aqueles tempos em que ambos disfrutávamos da hospitalidade de Pepe Caamanho para prepara as oposiçons. Umha fortíssima aperta.

Cristina Diéguez dijo...

a ver, cando empeza a narración das aventuras mediterraneas? xa me contou a miña nai vosa primeira peripecia no aeroporto.
espero noticias desde grecia (rezo para que sexan desde grecia e non desde outro lugar). un bico para todos os marineros

Anónimo dijo...

Non me digas Cristina que xa houbo "peripecias" no aeroporto, iso xa comeza ben. Saúdos e que teñan unha boa singradura para Perfeuto,Nito, Jobó, Carlos.

Anónimo dijo...

Unha aperta de amizade para Ramiro, sempre no corazón.

Xiao Roel

Anónimo dijo...

non me gostan nada estas cousas..pero dispois dun ano sen mirarvos que menos que ! bicos e sorte ! para Elsa e Ramiro.

O largo

Almiral Mouchez dijo...

Hoxe, ás 13.30, é a homanenaxe.

Estou plenamente convencido, Don Perfeuto, que ata o Ferrol chegarán a través do mar, na voz de vostede, os versos de Homero...

Mil apertas a todos.

unau dijo...

As homenaxes hai que facelas en vida. Moitos de vostedes estarán de acordo. Que alguen pense por favor na persoa tan xenerosa que está detras de todo esto. O autor de esa gran obra "As Galeras de Normandía", o periodista e escritor Ramón Loureiro.

Almiral Mouchez dijo...

Boas tardes.

Non, mire...

Con respecto ao que vostede di, querido ou querida Unau, voume permitir apuntar o seguinte, como amigo de Ramón que eu son.

Sei que el non me desmentirá.

Detrás da homenaxe, non está ningún amigo a Ramiro Fonte en particular. O que está, en primeira instancia... é a gran poesía de Ramiro, que talvez como toda gran obra aínda terá que esperar, en boa parte, polos seus verdadeiros lectores.

(Certo que esa obra inmensa xa os ten a vostedes, que merecen sempre a mellor das literaturas, pero no futuro aínda virán moitos máis lectores para eses versos -e para esa prosa-. Uns lectores nos que tamén viviremos, dalgún xeito, todos nós.)

E en última instancia, detrás da homenaxe están vostedes tamén, os Lectores (con maiúscula)de Hoxe, que fan vivir os libros. E por suposto a xente de Ferrol, que esta mañá encheu o salón de recepcións e incluso os corredores do Concello. E ade Pontedeume, que tamén estaba alí. E os amigos todos de Ramiro: desde o ministro de Cultura ata os pescadores, desde a xente do Toxos ata o fotógrafo Tito Ríos.

(O pobo galego, se me permiten un instante de emoción)

O acto desta mañá foi conmovedor. Impresionante, quén o dubida.

Non, sería moi inxusto dicir que iso se lle debía a Ramón, con independencia de que el fixese tamén canto estivo na súa man.

Axudou no que boamente puido. Hoxe case se lle saltan as lágrimas, tamén a el. Pero o mérito é das palabras de Ramiro. E de vostedes, meus amigos, que fan que Galicia sexa un lugar mellor para vivir.

Que teñan toda a felicidade que merecen.

freefun0616 dijo...

酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店經紀,
酒店打工經紀,
制服酒店工作,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
酒店經紀,

,

Anónimo dijo...

crops bayir carter thursday wanthmph amgen opinion supplying leaver simvacor stress
lolikneri havaqatsu