Escribo esta entrada urxente dende Buenos Aires para dicir que me sumo de corazón á homenaxe que lle van a dar a Marcos Valcárcel en Ourense o próximo día 29. Segundo me conta Manuel Candelas Colodrón nun correo que acabo de ler, esta homenaxe vai consistir nunha cea que terá lugar ás 21 horas dese día no restaurante San Miguel. Dime tamén que os que queiran asistir deberían ingresar o importe da cea (30 euros) ná conta de Caixa Galicia número 2091 0400 88 3040045410 (Homenaxe-Cea Marcos Valcárcel) antes do día 25.
Aínda non sei que vou regresar a Galicia a tempo de asistir (en principio a miña volta está prevista para o día 22), pero o que teño claro é que, con presenza física ou sen ela, eu serei un dos que estaremos con Marcos Valcárcel, que agora mesmo se atopa padecendo un delicado estado de saúde. Meréceo ben, entre outras cousas, por ser o inspirado animador do blog As Uvas na Solaina.
7 comentarios:
Amigo Perfecto:
No correo homenaxeamarcos@gmail.com centralízanse todos os avisos e reservas.
Moitas grazas por todo.
Bos días a todos.
Eu non podería ir a esa cea que lle fan, pero desde aquí súmome moi cariñosamente a esa homenaxe.
Almiral Mouchez
Que tal as Américas, Don Perfeuto...?
Tráianos algo.
Como persoa, Marcos Valcárcel é inmensamente xeneroso. Como escritor, unha referencia ineludible de bo facer.
Eu tamén estarei na Cea Homenaxe do día 29 en Ourense.
Cómpre darlles calor aos amigos, e con maior razón cando están máis expostos á intemperie e ao frío.
Marcos é un tipo caralludo.
Sen dúbida. Marcos é un home sensato e nada dado a estridencias e saídas de tono. El nunca sairía en defensa de Toñi Vicente, por exemplo.
Gran persoa, Marcos. Non hai dúbida.
Publicar un comentario