Definitivamente resulta insoportábel calquera forma de pasividade diante deses outros terrorismos que cada vez se manifestan máis na sociedade actual. Un deles é o do comportamento dun número nada desprezábel de persoas cando conducen un automóbil por rúas, estradas, autoestratas ou camiños. O dramático suceso que acaba de rexistrarse en Vigo co resultado de dúas persoas inocentes mortas debería ser unha das gotas que colman o vaso.
Que dous descerebrados e unha descerebrada, que acompañaba a un deles, por moi cheos de alcol que puideran ir, decidisen converter as rúas viguesas en circuíto de fórmula 1 e facérense pasar eles por un Fernando Alonso de pacotilla tiña que acabar levándonos á desgraza que se producíu. Eses bordes, a bordo dun BMW e dun Audi, seguramente son de boa familia. De non pasarlles o que lles acaba de pasar, ata poderían rematar dirixindo algunha empresa herdada dos pais. E, aínda así, verémolo. De momento, dedicábanse ao que sabían facer pior: carreiras de coches ás doce da noite pola rúa Genaro de la Fuente de Vigo. Se o que fixeron non é un asasinato como os que comete Eta, xa me dirán en que consiste.
2 comentarios:
Tes moita razón. Non sei a onde vai parar esta xuventude. Non sei que fixemos cando nós estabamos nas barricadas contra o dictador.¿Foi para isto?.
Que sociedade fixemos, algo de culpa temos en todo o que está a pasar. ¿Cal foi o erro que cometemos para non fecer unha sociedade como a que tiñamos na mente naqueles tempos?. Coido que temos que facernos unha grande autocrítica, comenzando polos políticos que aínda están en activo e que estiveron na loita pola democracia. Aínda me lembro daquela "máxima" de Solchaga," este é o país onde un se pode facer rico no menos tempo posible. Así arracou a "esquerda" do PSOE.
Crearon ventos e agora recibimos treboadas. Así nos vai.
Nin atenuantes, nin falta de intención de cometer homicidio, nin hostias en verso. Eses dous cacho cabróns eran conscientes de que podían traer a desgraza a calquera persoa inocente que se lle puxese por diante, e importoulles tres pementos. Polo tanto, aplicar a lei co máximo rigor. Neste e en todos os casos.
Deixémonos de pseudo explicacións político-sociolóxicas (agora resulta que a culpa vai ser de Solchaga!) e de flaxelarse socialmente. Hai indesexables e hai que aplicarlles a lei con todo o rigor. Non máis, pero tampouco menos.
Publicar un comentario