martes, enero 22, 2008

Marabilloso López

López pode que estea en combate, pero non está perdido. Non é dos que se perden facilmente. Respóndolle así a un amábel comunicante que tivo a ben interesarse de novo polo humorista debuxante que tanto dignifica esta páxina e do que está totalmente ogullloso o que lles escribe. O que pasa é que López agora anda aínda máis ocupado do que andaba antes. E, como foron moitos os que me preguntaron quen é López, coido que chegou o momento de despexar a incógnita. Non son eu mesmo, dende logo, como chegou a pensar Marcos Valcárcel. Xa me gustaría a min debuxar e inxeniar historias comas que fai López.
O que é López é da miña terra. Xúntanos iso e varias cousas máis. O sermos xornalistas os dous, por exemplo. Ou o pensar que o mundo, sen estar de todo mal, podería ser moito mellor se todos fixeramos algo máis por arranxalo. López é máis novo ca min, pero xa leva unha chea de anos traballando na delegación galega da Axencia Efe, que está en Santiago. Foi director desa delegación, cargo no que sucedeu a Carlos González Reigosa, e agora segue sendo un dos xornalistas que máis contribúen ao desenvolvemento da cultura galega e do seu idioma. Como bo practicante de Aikiro, arte marcial da que é un auténtico experto e que ensina no Ximnasio San Clemente, López é un pacifista capaz de verlle a cara boa ao mesmisimo Bush ou a Rajoy chapodando a Gallardón.
Dende o comenzo deste ano, López tamén publica no xornal compostelán Galicia Hoxe, único diario que se edita integramente en galego, e a súa arte gráfica e humorística tamén estará proximamente noutras publicacións. Ou sexa, que López é Xan López Rico, natural de Ribadeo, casado con Belén, pai de Mariña e de Area, e amigo meu. Voilà, poden velo na foto mirando como pasan as mozas pola Porta Faxeira dende unha mesa do café Azul. E non será Alexandro Diéguez o que se ve nesa foto facendo de xaponés na rúa do Franco?

9 comentarios:

Hildegard Canido dijo...

Así que este é o López? Un tio tan feo? Castelao e Bagaría eran máis guapos.

Anónimo dijo...

Guapo non será, pero é boa xente.
Como troco diste eloxio coido que o López debería ilustrar o post no que é protagonista.

Anónimo dijo...

Carallo, claro que é Dieguez o que está no cristal, ou é unha alucinación miña. Xa hai tempo Alexandro que non te vexo por estas terras de Arousa.
saúdos e canta un merlo.

Luisfoz dijo...

Excelente amigo Joám López Rico, sobrinho de Joám López Durá, o último secretário geral do partido galeguista durante a guerra. Exilado em México ali morreu. A sua necrológica apareceu no "Terra e Tempo" da clandestinidade como membro que era da UPG.
Grandes famílias e grandes homes deu a nossa Marinha

Penouto da Veiga dijo...

Pero se é o fillo de Don Mario. E agora quen vai levar a Coca?

Anónimo dijo...

Que alguén aclare o que é iso da Coca porque senón aínda ha haber quen pense mal.

marcos valcarcel dijo...

Pois noraboa a López, polo seu novo abor en GALICIA HOXE, onde ademais somos compañeiros de páxina diaria (el enriba miña, pero como se fose nunha litera). Todo o que sexa ver o mundo con humor e empatía é bo e boa falla fai neste país de crispacións e apocalipse (se se escoitan algúns discursos).

Anónimo dijo...

carallo, nunca pensei tal.

freefun0616 dijo...

酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店經紀,
酒店打工經紀,
制服酒店工作,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
酒店經紀,

,