lunes, diciembre 22, 2008

A carabina de Ambrosio

Definitivamente, o da concesión de parques eólicos vai rematar como o rosario da aurora. Ou mellor aínda, coma carabina de Ambrosio, aquela escopeta que utilizaba un bandoleiro sevillano cargándoa con semente de cánabo en vez de pólvora. E, xa postos á metáfora, coma carabina aquela que inventou un militar nortamericano chamado Ambrosio Burmside e que deixou rapidamente de fabricarse pola súa marcada propensión a engastallarse.
Empezaron dicindo os de Industria que se lles estragara a informática, algo que non llelo creu nin o que asa a manteiga. Recoñeceron logo que había que aprazar o conto porque non daba tempo a facer as cousas como se precisaba. E remataron vendo como lles pegaron a espantada os representantes das consellerías do PSdeG-PSOE dicindo mesmo que pode haber inseguranza xurídica na maneira de levar a cabo o concurso.
Núñez Feijóo, mentres tanto, non para de repetir que hai que adiar a concesión eólica ata despois das eleccións para que sexa o novo goberno que xurda das urnas o que se encargue de resolver este importantísimo procedemento que ten coa alma fóra do corpo a toda a oligarquía galega e parte da de fóra.
Nunca estiveron no tellado de Galicia pelotas como as que agora poden acabar marcando goles multimillonarios. A expectación, entre os xogadores deste partido de fútbol, é extraordinaria, dende logo, e a propia opinión pública empeza a preguntarse que pode estar pasando para que o bipartito se atreva como nuca a marcar diferenzas cando a penas faltan dous meses e medio para as eleccións do 1 de marzo. E digo a opinión pública porque o que é a publicada xa se pronunciou segundo lle convén a quen a publica.
A resposta a todo isto agora si que está no vento e non cando Bob Dylan e Joan Baez empezaron a cantar Blowing in the wind. O que pasa é que parece que ven de travesío, e non se escoita case nada do que habería que escoitar. Saberémolo que está a pasar algunha vez? Se cadra si, se cadra non. Mentres tanto, a min ninguén me quita a fe de que o vento, a riqueza e a ventura non son cousa segura. E a ver se o vento ventiño, vento venteiro, hoxe é rosmón e mañá falangueiro.

3 comentarios:

Hildegart Canido dijo...

Señor Conde: esta vez quedouse corto. Os do PSdeG-PSOE non só apuntaron a presumible existencia de inseguranza xurídica no proceso de concesión eólica levado a cabo polo BNG. Falaron claramente de que podemos estar diante dun "atropello á legalidade vixente" (Salvador García, director xeral de Calidade e Avaliación Ambental, dixit).

alerts dijo...

It seems different countries, different cultures, we really can decide things in the same understanding of the difference!
nike shoes

freefun0616 dijo...

酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店經紀,
酒店打工經紀,
制服酒店工作,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
酒店經紀,

,